Comments on la lenghe furlane e slovene furlanski in slovenski jezik: Udin e conte vs. Udin al conte / Gospa ali gospod ...

Su lis barufis o soi dacuardi ad in plen cun Brâf ...

2008-03-23T18:23:00.000+01:00

Su lis barufis o soi dacuardi ad in plen cun Brâf Furlan.
Sul "funtôr/pleonastic" o "clitic" o "subiet aton" (Madonute! ancje ca ce confusion terminologjiche!!) no pensi che e sedi cuistion di pression dal talian.
Lis formis dal furlan di riferiment a son:
jo o, tu tu, lui al, jê e, noaltris o, voaltris o, lôr a
Ma lis varietâts furlanis a puedin vê diference te forme di chest element gramaticâl e ancje te presince o tes regulis che lu fasin jessi obligatori o no devant di un verp.
Par esempli al è tant interessant il câs dal gurizan, che al dopre par funzions declarativis la forme enclitiche pes secondis personis (cjapistu, cjapaiso), intant che par chês altris varietâts une funzion dal gjenar e pues jessi dome interigative.

Su Nazzi come persone nie ce dî. Il probleme al è ...

2008-03-17T20:27:00.000+01:00

Su Nazzi come persone nie ce dî. Il probleme al è che al bute fûr robis di continui e che al insegne a scrvi a la sô maniere. Par cui al fâs dams. Se il furlan al à une pussibilitât e je chê di meti dongje lis fuarcis. Jo che o soi un che lu dopre e no un teoric o volares vê regulis claris. Ancje cun chês o barufi, se no son claris o mi piert!

Alore AL è un brut erôr!La lenghe fevelade no dopr...

2008-03-13T14:06:00.000+01:00

Alore AL è un brut erôr!
La lenghe fevelade no dopre simpri il funtôr/pleonastic, o dopre in forme ridusude "a, i, e" o si tratial semplicementri di un talianisim

o ai cjatât:

"Nencja li’ rimi’ di chê ch’a la clàmin Brigata udinese, a’ na son di gran nivel, ma a’ giòvin
a mostrâsi a nô che Udin ’a è deventada, encja par via dal scrivi par furlan, il cour da la
Patria."

mandi Janez: su Nazzi e su lis polemichis tra furl...

2008-03-13T13:17:00.000+01:00

mandi Janez: su Nazzi e su lis polemichis tra furlan no dîs nuie, lis barifis a valin dome a fâ plui barufis e o ai miôr di lavorâ cun costrut, se o rivi e o pues dî che tai ultins agns, par fortune, a son simpri di plui i furlans che a lavorin pal furlan.
Su "Udin e conte" al è vêr che al è un brut erôr, e si lu veve za segnalât, ma aromai a vevin fat bon il titul e regjistrât tantis robis.
Udin al è masculin, alore "Udin al conte".
Ma no je dite che "Udin e je la capitâl..." al sedi un erôr: in chest câs il verp jessi al pues concuardâsi cul subiet "Udin al è la capitâl..." ma ancje cul element che al ven dopo, e stant che chi "capitâl" al è feminin al è just ancje "Udin e je la capitâl..."